رايح واشنطن النهاردة؟

يا عم اشتري دماغك ... دول شوية ناس هبلة ...

و بعدين أنت مالك ... إنت مش فلسعت زي حالاتي ...

دة غير إن الشيخ عباس إبن فرناس قال إنه حرام ... اوعه تزعل ربنا منك ...

وبعدين ... مصر مش هتتغير ...

ولا حتى لو هتتغير ... هو كم واحد في واشنطن هما اللي هيفرقو ...

وبعدين الدنيا برد ... ويحتمل تنزل تلج ...

خليك قاعد في البيت مع العيال ... في الدفا ... إشرب كاكاو ... و اتفرج على الجزيرة ... هو فيه وطنية أكتر من كدة ...

إيه؟ حسيت بالذنب؟

يا عم هي ديتها شوية كلام من الجامدين بتوعنا ... حوالين عزومة فاخرة ... وهنبقى قشطة وممتلئين بالوطنية ...

أنا رايح ...